|
Վիքիճամբարը կազմակերպում է Վիքիմեդիա Հայաստան գիտակրթական հասարակական կազմակերպությունը:
2014 թվականին Վիքիճամբարը ճանաչվել է Վիքիմեդիա ամենահավես նախագիծը։ Վիքիմեդիա միջազգային հիմնադրամի ներկայացուցիչների և իրենց հիացմունքը Վիքիճամբարի գաղափարի և կազմակերպման մակարդակի մասին: Մենք միավորել ենք երիտասարդների, ովքեր ազնվորեն հավատում են համագործակցությանը, միմյանց օգնելու, ազատ ստեղծագործելու միջոցով ազատ գիտելիքի ստեղծմանն ուղղված յուրաքանչյուրի մասնակցության կարևորությանը: Մենք բարձր ենք գնահատում երեխաների ու պատանիների ներուժը և ստեղծում միջավայր, որտեղ բոլորը կարող են հասնել իրենց հնարավորությունների ամենաբարձր սահմանին: |
Դավիթ Սարգսյան |
Դերը ճամբարում։ Ես պատասխանատու եմ Վիքիճամբարի կազմակերպման և իրականացման համար։
Ճամբարային փորձ։ Ճամբարների շատ եմ մասնակցել, իսկ որպես ճամբարի կազմակերպիչ` 11 անգամ: Փորձն ինձ թույլ է տալիս երեխաներին և երիտասարդներին ավելի լավ հասկանալ։ Հետաքրքրություններ։ Սիրում եմ ակտիվ կյանք` սպորտ, արշավ, ժայռամագլցում: Էկոլոգիան իմ մասնագիտական հետաքրքրությունն է։ Բնության և բնապահպանության մասին իմ մասնագիտական գիտելիքներով փորձում եմ երեխաների և տարբեր մարդկանց մեջ բնության պահպանության համար սեփական պատասխանատվության զգացում առաջացնել։ Առողջ ապրելակերպի կողմնակից եմ, հաճույքով եմ զբաղվում սպորտով, հատկապես լողով։ Վիքիպեդիայում խմբագրում եմ հիմնականում բնապահպանական և աշխարհագրական թեմաներով հոդվածներ: |
Մհեր Բեքարյան |
Դերը ճամբարում։ Ես զբաղվում եմ Վիքիճամբարի ուսումնական հարցերով։
Ճամբարային փորձ։ Վիքիճամբարների փորձն ինձ թույլ է տալիս լուծել ճամբարական կյանքի բոլոր հաճելի և խրթին խնդիրներն այնպես, որ թիմի մյուս անդամները հանգիստ զբաղվեն յուրաքանչյուրն իր գործով: Հետաքրքրություններ։ Ես սիրում եմ հետաքրքիր, պատմական, զվարճալի և ուսուցողական պատմություններ անցյալից, ունեմ նաև վիքի կյանքի հետաքրքիր և զավեշտալի պատմությունների պաշար։ Իմ երկարատև աշխատանքային և կյանքի փորձը հաճախ վերածում եմ օգտակար խորհուրդների ամեն հարցում։ Ես շատ եմ սիրում արվեստը՝ գեղարվեստ, կինեմատոգրաֆիա, դասական երաժշտություն և գրականություն։ |
Գայանե Վարդանյան |
Դերը ճամբարում։ Ես ուղղորդում եմ Վիքիճամբարների նախապատրաստական և իրականացման ընդհանուր աշխատանքները, հավաստիանում, որ ամեն ինչ արված է ճամբարը բարձր մակարդակով իրականացնելու համար։
Ճամբարային փորձ։ Կազմակերպել և իրականացրել եմ բազմաթիվ ճամբարներ, մանկապատանեկան և երիտասարդական հավաքներ։ Ունեցածս փորձը հնարավորություն է տալիս նախապես հասկանալ և գնահատել հնարավորություններն ու ռիսկերը։ Հետաքրքրություններ։ Ամենատարբեր թեմաներով դասընթացներ ու քննարկումներ վարելն իմ մասնագիտությունն է։ Դրանք օգտակար ու հետաքրքիր իրականացնելու համար ամենուր փնտրում եմ խաղեր ու նոր գործիքներ, անգամ այնտեղ, որտեղ դրանք դժվար թե լինեն։ Բաց չեմ թողնում պարելու հնարավորությունը և միշտ փորձում եմ այլ ժողովուրդների պարեր սովորել։ |
Դաթո Աբուլաձե |
Դերը ճամբարում։ Ես Վիքիճամբարի նորեկների անբաժան ուղեկիցն եմ, օգնում եմ նրանց խմբագրել սովորել։
Ճամբարային փորձ։ Նորեկների հետ աշխատանքիս փորձն ինձ թույլ է տալիս հեշտությամբ ներգրավել ցանկացած մարդու Վիքի գործիքների հետաքրքիր աշխարհ և արագ դարձնել նրանց հմուտ խմբագիրներ: Հետաքրքրություններ։ Ես կարող եմ գրել քո անունը տարբեր այբուբեններով, բարևել քեզ տարբեր լեզուներով։ Կարող եմ քեզ պատմել համաշխարհային ժառանգության օբյեկտների, երկրների, մայրցամաքների, գեղեցիկ քաղաքների, գետերի և կղզիների մասին։ Հետաքրքրված եմ կորեական ֆիլմերով և մշակույթով։ Ես քեզ հետ կմրցեմ նաև բադմինտոնով: |
Սուսաննա Մկրտչյան Վիքիտատիկ |
Ուզում եմ, որ թոռնիկներս լինեն
Քաջ, ազատ, անկախ, արդար, նպատակասլաց, պատասխանատու, համագործակցող, գիտելիքն արժևորող, լայն մտահորիզոնով և ամենուրեք կատարելության ձգտող, կարճ ասած, արդյունավետ ու հաջողակ ողջ կյանքում։ Ամեն հնարավորն ու անհնարինը սիրով անում եմ և կանեմ այս արժեքային համակարգը վիքիթոռնիկներիս մեջ սերմանելու։ Տատիկի աչալրջությամբ և ամենայն մանրամասնությամբ հետևում եմ ճամբարների ողջ ընթացքին։ Ճամբարականների և թիմի հետ վերլուծում եմ յուրաքանչյուր ճամբարի ձեռքբերումներն ու թերացումները հաջորդ ճամբարներն առավել կատարյալ դարձնելու նպատակով։ Հ․Գ․ Վիքիթոռնիկներիս հետ անկեղծ զրույցները ճամբարի առօրյայի մաս են։ |
Լիլիթ Թարխանյան |
Դերը ճամբարում։ Իմ դերը Վիքիճամբարի մասնակիցների համար հետաքրքիր կրթական ծրագրերի նախագծումն է, որպեսզի գիտելիքի հետ աշխատանքը լինի ոգևորող և գունավոր:
Ճամբարային փորձ։ Ճամբարների իրականացման իմ փորձը թույլ է տալիս նրբորեն ըմբռնել մասնակցին լիարժեքորեն ներգրավելու եղանակները, թեմաները և գործողությունները: Հետաքրքրություններ։ Վիքի գաղափարախոսությունը դարձել է իմ մտածողության և կյանքի անբաժան մասը, և ես սիրով այս փորձը փոխանցում եմ ընկերներիս ու հարազատներիս։ Շատ եմ սիրում իսպանական մշակույթը և լեզուն, պատրաստում եմ ձեռագործ իրեր։ Երկար ժամանակ եղել եմ կամավոր Վիքիպեդիայում, խմբագրում եմ թատրոնների, հայ ռեժիսորների և այլ թեմաներով հոդվածներ։ |
Արթուր Խումարյան |
Դերը ճամբարում։ Վիքիճամբարում ես ջոկատի պատասխանատու եմ։ Օր ու գիշեր զբաղվում եմ իմ ջոկատի բոլոր մասնակիցների խնդիրներով:
Ճամբարային փորձ։ Մասնակցել եմ 9 ճամբարի, 6-ը՝ Վիքիճամբարն է։ Սովորեցնում եմ աշխատել թիմով մեկ ընդհանուր նպատակի համար, ինչը նրանց շատ կօգնի ապագայում: Հետաքրքրություններ։ Շատ եմ հետաքրքրվում արշավներով, երկար ժամանակ է կազմակերպում և մասնակցում եմ: Ինքս լինելով աշխարհագրագետ՝ սիրում եմ ճանապարհորդել և նոր հետաքրքիր վայրեր բացահայտել ինձ համար: Սիրով արդեն երկար տարիներ զբաղվում եմ կամավորությամբ։ Խմբագրում եմ Հայերեն Վիքիպեդիայում: Սիրում եմ և հետաքրքրվում եմ սպորտով՝ մասնավորապես ֆուտբոլով, ինչպես նաև ֆիլմեր եմ սիրում դիտել և վերլուծել: Ինձ դուր է գալիս պատանիների և երեխաների հետաքրքրասիրությունը, կարծում եմ դա կարևոր հատկություններից մեկն է, որ պետք է անընդհատ զարգացնել: |
Ազնիւ Ստեփանեան |
Դերը ճամբարում։ Վիքիճամբարում ես արևմտահայ խմբագիրների համակարգողն եմ։
Ճամբարային փորձ։ Լիբանանի, Պորտուգալիայի և Ֆրանսիայի Վիքիճամբարների կազմակերպման փորձը թույլ է տալիս ինձ միավորել և հետաքրքրել տարբեր մշակույթներից եկող երիտասարդներին։ Հետաքրքրություններ։ Ես տեղափոխվել եմ Հայաստան Սիրիայից և քաջ ծանոթ եմ արաբական կյանքի և կենցաղի հետ։ Խոսում եմ արաբերեն, թուրքերեն, հետաքրքրվում եմ արևելյան մշակույթով։ Արևելյան խոհանոցն իմ տարերքն է, պատրաստում եմ շա՜տ համեղ ու յուրօրինակ ճաշատեսակներ։ Կարող եմ երկար պատմել տարբեր երկրներում ապրող հայերի բազմաբնույթ ու տարատեսակ ավանդույթների մասին։ |
Դավիթ Սարոյան |
Դերը ճամբարում։ Իմ դերը վիքիտեխնոլոգիաները բացատրելն ու սովորեցնելն է: Ես սովորեցնում եմ այնպիսի հնարքներ, որոնք համակարգչով աշխատանքը դարձնում են արագ և բազմատեսակ, չհոգնեցնող:
Ճամբարային փորձ։ Հայաստանում և այլ երկրներում Վիքիճամբարներ կազմակերպելու իմ փորձն ինձ հուշում է այն ճիշտ բառապաշարը և նպատակները, որոնցով կարելի է հետաքրքրել և ոգևորել ցանկացած պատանու կամ երիտասարդի՝ տեխնոլոգիան ավելի ճիշտ և արդյունավետ օգտագործելու համար: Հետաքրքրություններ։ Ես կենսաբանական գիտությունների թեկնածու եմ և ինձ համար անցյալը, ներկան, անորոշ ապագան, յուրաքանչյուր բառը, որ գիտեմ, մարդիկ, զգացմունքները, հիշողությունները, մարմնի յուրաքանչյուր բջիջը, մտքերս խորհրդանիշներ են: Սիրում եմ զրուցել կյանքի, խորհրդանիշների և գոյության մասին: Սիրում եմ տառերի ձևն ու ուրվագիծը և համոզված եմ, որ յուրաքանչյուր մարդ գիտի ինքն իրեն բացահայտելու ձևը: |
